domingo, 29 de noviembre de 2015

Memorias dun neno labrego

Memorias dun neno labrego foi, precisamente, o primeiro libro en galego que lin na miña vida alá polos anos setenta cando o galego comezaba a ser unha asignatura obligatoria nas escolas. Tivémolo que traducir do galego ao castelán  e, a pesares do tedioso da tarefa pois moitas noites pasei ao carón dun diccionario, conseguiu engaiolarme a alma e , cada vez que escoito o seu título, éncheseme o corazón dunha tenrura infinita. Aquí vai a nosa homenaxe a Xosé Neiras Vilas da man deste lim creado polo colexio de Frián-Teis.Espero que gocedes del tanto como o fixen eu.
http://chiscos.net/f1/memorias/memorias_dun_neno_labrego.html

miércoles, 28 de octubre de 2015

Día da Biblioteca

O 24 de Outubro é recoñecido como o Día da Biblioteca, desde que hai anos comezara a celebrarse grazas ao empeño da Asociación Española de Amigos del Libro Infantil y Juvenil, no 1997.
Este ano, a través das Mochilas Viaxeiras, a nosa mascota Biblo quere que nos mergullemos nunha viaxe fantástica a través da maxia que se atopa agochada nos andeis da nosa biblioteca.
.....Estades preparados?

Pero temos que ser sinceros..... non puidemos agardar a este día para abrir a nosa biblioteca .....Xa dende comezos deste mes, as súas portas están abertas nos recreos das mañás e da hora de comer para  todos os nenos do centro´.Este ano contamos con novos encargados de biblioteca de 6º e 5º de Primaria que fan as delicias dos máis pequenos coas súas improvisadas sesións de contacontos.

Pero….Estade atentos porque Biblo tennos unha sorpresa para a semana que ven………..

lunes, 30 de marzo de 2015

Poemas apadriñados

Aqui tendes os nosos poemas apadriñados.

Poetizamos o colexio

O pasado 21 de Marzo celebrouse en todos os colexios o Día da Poesía. Este anos quixemos realizar unha actividade que non se ciñese exclusivamente a ese día, senon que quixemos que a poesía estivera presente ao londo de toda a semana e que nos acompañase o resto do trimestre. Propuxemos,conxuntamente co Equipo de Dinamización e Normalización Lingüística, unha actividade de apadriñamento lector. Así, os alumnos de 6º a 3º de Primaria actuaron como padriños do resto de cursos, incluídos os nenos de Infantil. Cada padriño escolleu un poema  axeitado para a idade do seu afillado coa axuda dos seus titores entre unha escolma de libros de poemas mercados pola biblioteca para esta actividade ou ben, doutros libros propostos polos titores e alumnos. Nunha folla tiñan que ter copiado o poema ou parte del (dependendo da idade do afillado este podería copiar unha estrofa, verso, palabra ou engadir letras a palabras) previa a lectura. No recreo da mañá, cada apadriñado tiña que ler ao seu afillado o seu poema onde quixera(nos corredores, no patio, nunha aula, nas escaleiras,...) para, de seguido, completalo e ilustralo.
Unha vez rematados os poemas, pasamos a expoñelos nas paredes das escaleiras do centro para que todo o mundo puidera gozar das creacións dos padriños e afillados.
O máis salientable desta actividade foi o descubremento por parte dos apadriñados das capacidades e cualidades dos màis pequechos do colexio. De certo, que será unha actividade a plantexar no futuro.
Aqui vos deixamos un resumo da actividade.

domingo, 22 de febrero de 2015

De que cor son os bicos?

Como remate da Semana da Paz 2015, os alumnos de 4 e  anos, da man da súa mestra Cruz, adaptaron o conto de ELISENDA QUERALT titulado Mamá, ¿De qué color son los besos?, un fermoso conto ilustrado no que unha nai lle explica ao seu fillo que os bicos poden ser de moitas cores, laranxas porque están cargadiños de vitaminas;amarelos coma o sol;verdes como a música... Se queredes descubrir as súas cores, non deixedes de ver esta adaptación que fixo as delicias de maiores e pequenos arrancandonos moitos sorrisos.



Se queredes escoitar o conto orixinal e traballar a comprensión, aqui vos deixamos un ESL VIDEO que xa fixemos hai uns anos.

sábado, 7 de febrero de 2015

Os vosos intres de Paz

Ainda que cun pouquiño de retraso, xa tendes aquí a montaxe que realizamos con todas as imaxes que nos mandáchedes para a proposta INTRES DE PAZ. Moitas gracias a tod@s por colaborar e esperamos que vos guste.


INTRES DE PAZ from María Abilleira Pomar on Vimeo.

sábado, 31 de enero de 2015

NENOS POLA PAZ

A nosa mascota Biblo, como fixera xa para celebrar a entrada do outono, propúxolles aos rapaces e as súas familias unha nova manualidade para decorar o colexio co gallo do Día da Paz. Como sempre o resultado da proposta superou as nosas espectativas. FANTÁSTICAS MANUALIDADES!!

El pez Arcoiris

Co gallo da celebración do Día da Paz un grupo de colaboradores da nosa biblioteca quixeron aportar o seu grao de area e escolleron o conto El Pez Arcoiris , un fermoso conto que nos ensina a importancia de saber compartir. Adicaron máis de dúas semanas a ensaiar e confeccionar os monicreques que acompañaron a súa intervención, que foi acollida cunha gran espectación por parte dos máis pequenos.

Arcoiris é o peixe máis fermoso do océano, coas súas preciosas escamas de mil cores. Pero a pesar da súa beleza séntese moi só. Por que os demais peixes non queren xogar con el?


 

E, como os nosos colaboradores aconsellaron ós seus compañeiros, "para ser feliz hai que compartir", acercámonos a gardaría para compartir este conto cos máis pequenos do noso concello. Que ben o pasamos! Sobre todo, decorando un "PEZ ARCOIRIS" que debuxamos especialmente para eles. De seguro que voltaremos con outro conto.......







Poemas pola Paz

Os rapaces de 5º e o seu mestre Julio decidiron sorprendernos cuns pequenos poemas para o Ciclo de Lecturas. Buscaron e buscaron pero non atoparon nada que reflexara con precisión o significado que tiña para eles a palabra PAZ. Asi que decidiron poñerse mans á obra e escribir os seus propios poemas.
Poemas pola Paz from María Abilleira Pomar on Vimeo.

jueves, 29 de enero de 2015

La leyenda del Arcoiris

"Cuentan que hace mucho tiempo los colores empezaron a pelearse. Cada uno proclamaba que él era el más importante, el más útil, el favorito......"

Así comenzou o relato que os rapaces de 6º, da man da súa profe Rocío, escolleron para o Ciclo de Lecturas da Paz. Un relato cheo de esperanza que nos axuda a ver a vida de moitas cores e a ver as vantaxes de superar os conflictos de maneira pacífica.



martes, 27 de enero de 2015

Ciclo de lecturas pola Paz 2015

Este luns iniciamos un novo ciclo de lecturas pola Paz na nosa biblioteca.Durante esta semana, previo a celebración o día da Escolar da Paz e da Non-Violencia, os alumnos do centro vannos sorprender con poemas, contos e cancións que teñen como centro temático a PAZ e o AMOR. Os encargados de inaugurar este ciclo foron os rapaces de 1º que, da man da súa profe Rita, escolleron uns poemas de Gloria Fuertes.

INTRES DE PAZ

Biblo,a mascota da nosa biblioteca, está a promocionar a través da rede unha proposta para a celebración do Día da Paz e Non Violencia o vindeiro 30 de xaneiro.
Baixo o nome de INTRES DE PAZ quere recoller todas aquelas fotografías ou imaxes que vos producen sensacións agradables e paz interior. Deberedes subilas a O Formigueiro de Forcarei ou envialas ao centro a través dos vosos cativos.
A Paz non só é ausencia de guerra ou conflitos senón que son todos eses pequenos momentos da nosa vida que nos producen sensacións agradables e dannos paz interior. Unha paisaxe, un almorzo de domingo coa casa en silencio, unha caricia, o son da chuvia no cristal, un paseo, unha sonrrisa, un gracias e un por favor, un bico de boas noites, os raios de sol nunha tarde de verán, unha flor, unha mirada de agradecemento ou de felicidade….. Cada un ten gardado na retina un momento que lle achega paz interior. Cal é o voso? Esperamos a vosa imaxe e unha vez máis grazas pola vosa colaboración.
Aqui vos deixa Biblo a súa....Compartir soños agochados entre as páxinas dun libro.